ថ្ងៃព្រហស្បតិ៍ ទី១៣ ខែសីហា ឆ្នាំ២០៥០
ទំនាក់ទំនងចាងហ្វាងគេហទំព័រ ធីប៊ីស៊ី
ក្តៅគគុក! លោក ដូណាល់ ត្រាំ ប្រាប់ឲ្យអ៊ីរ៉ាក់សងលុយរាប់ពាន់លានដុល្លារសិន មុននឹងចង់បណ្តេញកងទ័ពអាមេរិក បើមិនដូច្នោះទេអ៊ីរ៉ាក់នឹងរងការដាក់ទណ្ឌកម្ម!
Mon,06 January 2020 (Time 01:05 PM)
ដោយ ៖ សហការី (ចំនួនអ្នកអាន: 66នាក់)

(វ៉ាស៊ីនតោន)៖ លោកប្រធានាធិបតី ដូណាល់ ត្រាំ បាននិយាយថា សហរដ្ឋអាមេរិកនឹងមិនចាកចេញពីអ៊ីរ៉ាក់ជាដាច់ខាត រហូតទាល់តែទីក្រុងបាកដាដបង់លុយ ដែលទីក្រុងវ៉ាស៊ីនតោន ចំណាយលើការសាងសង់មូលដ្ឋានទ័ពជាមុនសិន ហើយមិនតែប៉ុណ្ណោះលោកក៏បានព្រមាន ដាក់ទណ្ឌកម្មលើអ៊ីរ៉ាក់ផងដែរ។ នេះបើតាមការចេញផ្សាយ ដោយសារព័ត៌មាន Sputnik នៅព្រឹកថ្ងៃចន្ទ ទី០៦ ខែមករា ឆ្នាំ២០២០។

លោក ដូណាល់ ត្រាំ ធ្វើការកត់សម្គាល់ខាងលើ ក្រោយសភាអ៊ីរ៉ាក់កាលពីថ្ងៃអាទិត្យ បានបោះឆ្នោតអនុម័តបណ្ដេញកងទ័ពបរទេសទាំងអស់ ចេញពីទឹកដីអ៊ីរ៉ាក់ ក៏ដូចជាកាត់ផ្ដាច់ទំនាក់ទំនងជាមួយក្រុមចម្រុះអន្តរជាតិ ដឹកនាំដោយសហរដ្ឋអាមេរិក បន្ទាប់ពីការសម្លាប់មេទ័ពកំពូលអ៊ីរ៉ង់ លោក កាស្សេម សូឡៃមេនី (Qasem Soleimani)។ លោកប្រធានាធិបតីអាមេរិក បានគូសបញ្ជាក់កំឡុងធ្វើដំណើរពីរដ្ឋផ្លូរីដា (Florida) មកកាន់ទីក្រុងវ៉ាស៊ីនតោនឌីស៊ី យ៉ាងដូច្នេះថា «យើងបានចំណាយលុយរាប់ពាន់លានដុល្លារ ដើម្បីសង់មូលដ្ឋានទ័ពនៅអ៊ីរ៉ាក់... ដូច្នេះយើងនឹងមិនចាកចេញពីអ៊ីរ៉ាក់ជាដាច់ខាត បើសិនជាពួកគេមិនព្រមបង់លុយទាំងនេះមកឱ្យយើងវិញ ហើយយើងក៏នឹងអាចដាក់ទណ្ឌកម្មដ៏ធ្ងន់ធ្ងរ ដែលពួកគេមិនអាចធ្លាប់បានពីមុនមកក៏ថាបាន»។

គួរជម្រាបថា មូលដ្ឋានទ័ពអាមេរិកនៅលើទឹកដីអ៊ីរ៉ាក់ ដែលលោក ដូណាល់ ត្រាំ ចង់សំដៅនោះគឺមូលដ្ឋានទ័ព បាឡេដ (Balad) ដែលសិ្ថតនៅចំងាយប្រហែល ៨០គីឡូម៉ែត្រពីទីក្រុងបាកដាដ។ បច្ចុប្បន្នកងទ័ពអាមេរិកប្រមាណ ៥,២០០នាក់ កំពុងមានវត្តមាននៅតាមមូលដ្ឋានយោធា ទូទាំងប្រទេសអ៊ីរ៉ាក់ ដើម្បីជួយជ្រោមជ្រែងកងទ័ពអ៊ីរ៉ាក់ ទប់ស្កាត់ការងើបឡើងមកវិញនៃក្រុមភេរវករ ISIS។ កងទ័ពអាមេរិកទាំងអស់នោះ ត្រូវបានបញ្ជូនមកកាន់ទឹកដីអ៊ីរ៉ាក់ ក្រោមផ្នែកនៃក្រុមកម្លាំងយោធាចម្រុះអន្តរជាតិ ដែលរដ្ឋាភិបាលអ៊ីរ៉ាក់បានអញ្ជើញមកដោយផ្ទាល់ កាលពីឆ្នាំ២០១៤ ដើម្បីមកជួយប្រយុទ្ធតតាំងជាមួយពួកភេរវករ ISIS ដែលមានឥទ្ធិពលយ៉ាងខ្លាំងក្លា។

ដោយឡែក បើតាមសេចក្តីប្រកាសរបស់ប្រធានសភាអ៊ីរ៉ាក់ លោក ម៉ូហាំម៉េដ ហាល់ប៊ូស៊ី (Mohammed Halbusi) សភាអ៊ីរ៉ាក់ក្នុងសំឡេងភាគច្រើន បានបោះឆ្នោតជំរុញឲ្យរដ្ឋាភិបាលអ៊ីរ៉ាក់ លុបចោលនូវសំណើរបស់ខ្លួន ស្តីពីការសុំជំនួយរបស់ក្រុមយោធាចម្រុះអន្តរជាតិ ពោលគឺឲ្យកងកម្លាំងនេះ ចាកចេញពីប្រទេសអ៊ីរ៉ាក់វិញ។ ជំហានបន្ទាប់ទៀត គឺគណៈរដ្ឋមន្រ្តីអ៊ីរ៉ាក់ត្រូវសម្រេចទៅលើរឿងនេះ ប៉ុន្តែនាយករដ្ឋមន្រ្តីអ៊ីរ៉ាក់ លោក អាឌែល អាប់ឌែល ម៉ាហ៍ឌី (Adel Abdel Mahdi) ក៏ដូចជាបានឲ្យសញ្ញាថា នឹងគាំទ្រការសម្រេចចិត្តនេះផងដែរ៕

ព័ត៌មានគួរចាប់អារម្មណ៍

ដឹងការពិតហើយ ក្រោយផ្អើលថា ទាហានថៃបានបាញ់ពលរដ្ឋខ្មែរនៅខាងលិចដើមស្រល់ ជាប់ព្រំដែនខ្មែរ-ថៃ ក្រុងប៉ោយប៉ែត ()

ព័ត៌មានគួរចាប់អារម្មណ៍

មហាជនកំពុងរងចាំមើលតើនឹងមានចំណាត់ការបែបណាចំពោះម្ចាស់អខោន មហាសាច់នេះ...... ()

ព័ត៌មានគួរចាប់អារម្មណ៍

អង្គភាពនគរបាលច្រកទ្វារព្រំដែនអន្តរជាតិប៉ោយប៉ែត ចាប់ផ្តើមចែកម៉ាសក្នុងរយៈពេល១ខែ ដោយគិតចាប់ពីថ្ងៃចន្ទ ទី២៧ ខែមករា ឆ្នាំ២០២០នេះតទៅ ()

ព័ត៌មានគួរចាប់អារម្មណ៍

ឃាត់​ខ្លួន​ជន​បង្ករចលាចលសង្គម​ និងបំពុលសង្គម ២នាក់ ពាក់ព័ន្ធការបង្ហោះព័ត៌មានមិនពិត​​ថា “មានការឆ្លងជម្ងឺ​ផ្លូវដង្ហេីម​វីរុស​កូរ៉ូណា នៅខេត្តសៀមរាប”​ ()

ព័ត៌មានគួរចាប់អារម្មណ៍

លោកវរសេនីយ៍ទោ ស៊ិន ប៊ុនរស្មី ស្នងការរងតំណាងឯកឧត្តម ឧត្តមសេនីយ៍ ទោ អ៊ុច សុខុន ស្នងការនៃស្នងការដ្ឋានន គរបាល ខេត្តបាត់ដំបង បានអញ្ជើញជាអធិបតីក្នុងពិធីប្រកាសប្រគល់ភារកិច្ចដឹកនាំការងារដល់ថ្នាក់អធិការ ()

វីដែអូ

ចំនួនអ្នកទស្សនា

ថ្ងៃនេះ :
8 នាក់
ម្សិលមិញ :
94 នាក់
សប្តាហ៍នេះ :
304 នាក់
ខែនេះ :
1614 នាក់
3 ខែនេះ :
7587 នាក់
សរុប :
11592 នាក់