ក្រោមបទបញ្ជារបស់គណៈបញ្ជាការឯកភាពខេត្ត ក្រុង កម្លាំងអធិការដ្ឋាននគរបាលក្រុងសៀមរាប និងប៉ុស្ដិ៍នគរបាលរដ្ឋបាលស្វាយដង្គុំ បានចូលរួមសហការជាមួយមន្ទីទរសចរណ៍ខេត្តនិង អង្គភាពពាក់ព័ន្ឋ ខេត្ត ក្រុង ចុះពិនិត្យហាងបៀរហ្គាឌិនដែលលួចបង្កប់ខារ៉ាអូខេចំនួន០៣ កន្លែងដែលស្ថិតនៅភូមិសាលាកន្សែង សង្កាត់ស្វាយដង្គំ ក្រុងសៀមរាបក្នុងនោះមាន:

១- ម្លប់ជ្រៃត្រជាក់ចិត្ត (កំពុងបើកជាក់ស្ដែងនិងបង្កប់KTV)
២- ម្លប់ដូងពិភពព្រិលថ្មី (កំពុងបើកជាក់ស្ដែងនិងបង្កប់KTV)
៣- ស្នាដៃម៉ែក្មេក៥ (បង្កប់KTVដែរ តែយប់មិញជាក់ស្ដែងអត់បើកទេ)

បន្ទាប់ពីត្រួតពិនិត្យរកឃើញបញ្ហាមិនប្រក្រតីដូចជា:
- ហាងម្លប់ជ្រៃត្រជាក់ចិត្ត និងម្លប់ដូងពិភពព្រិលថ្មីត្រូវតែផ្អាកអាជីវកម្ម និងត្រូវសុំច្បាប់បើកភោជនីយដ្ឋានបែបធម្មតា។
- ហាងម៉ែក្មេក៥ មានអាជ្ញាប័ណ្ណភោជនីយដ្ឋានតែផុតសុពលភាព។ ដូច្នេះអនុញ្ញាតអោយបន្តបើកតែត្រូវសុំបន្តអាជ្ញាប័ណ្ណភោជនីយដ្ឋានបែបធម្មតា។