(ភ្នំពេញ)៖ ប្រតិបត្តិការនេះ ធ្វើឡើងនៅថ្ងៃទី០១ ខែតុលា ឆ្នាំ២០២០ ក្រោមការចង្អុលបង្ហាញពីនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ទើបកម្លាំងនាយកដ្ឋានប្រឆាំងបទល្មើសបច្ចេកវិទ្យា ដែលដឹកនាំបញ្ជាផ្ទាល់ពីលោកឧត្តមសេនីយ៍ឯក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា ដោយមានការសម្របសម្រួលពី ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ។ជនជាតិនីហ្សេរីយ៉ា២នាក់ និងខ្មែរម្នាក់ ត្រូវបានកម្លាំងនគរបាលចាប់ខ្លួន ពាក់ព័ន្ធករណីឆបោកប្រាក់តាម Facebook ក្រោមរូបភាពលោងលោមស្រលាញ់ និងផ្ញើសម្ភារប្រើប្រាស់ពីបរទេសមកឲ្យជនរងគ្រោះនៅខ្មែរ ប៉ុន្ដែទាមទារឲ្យបង់ថ្លៃសេវាផ្ញើទើបអាចទទួលសម្ភារនោះបាន។ក្រោយទទួលបានបទបញ្ជា កម្លាំងជំនាញបានចុះបង្ក្រាបបទល្មើសជាក់ស្ដែង លើករណីឆបោកប្រាក់ តាមបណ្តាញទូរគមនាគមន៍ ក្រោមរូបភាពឆបោកលួងលោមស្នេហា ដោយផ្ញើសម្ភារពីក្រៅប្រទេសមកឲ្យជនរងគ្រោះ ដូចជា គ្រឿងអលង្ការ ប្រាក់មួយចំនួន និងសម្ភារប្រើប្រាស់ដទៃទៀត ហើយដោយតម្រូវឲ្យជនរងគ្រោះបង់ថ្លៃសេវាផ្សេងៗ។ឃាត់ខ្លួនជនសង្ស័យជាបន្តបន្ទាប់ចំនួន០៣នាក់៖ ទី១៖ឈ្មោះ ធន សារ៉េម ភេទស្រី អាយុ៣៣ឆ្នាំ, ទី២៖ឈ្មោះ MAKCAVA FEMI WISDOM អាយុ២៨ឆ្នាំ ជនជាតិនីហ្សេរីយ៉ា និងទី៣៖ឈ្មោះ SPARK ONWA អាយុ៣៣ឆ្នាំ ជនជាតិនីហ្សេរីយ៉ា នាំមកសាកសួរនៅនាយកដ្ឋានប្រឆាំងបទល្មើសបច្ចេកវិទ្យា។បន្ទាប់ពីការសាកសួរ កម្លាំងនាយកដ្ឋានបានកសាងសំណុំរឿង និងបញ្ជូនជនសង្ស័យទៅកាន់សាលាដំបូងរាជធានីភ្នំពេញ ក្រោយមកនៅថ្ងៃទី០៤ ខែតុលា ឆ្នាំ២០២០ ជនសង្ស័យទាំងបីនាក់ ត្រូវបានចៅក្រមស៊ើបសួរ នៃសាលាដំបូងរាជធានីភ្នំពេញ ចេញដីកាបង្គាប់ឲ្យឃុំខ្លួន ពាក់ព័ន្ធនឹងបទឆបោក។ជាមួយគ្នានេះ លោកឧត្តមសេនីយ៍ឯក ជា ពៅ ប្រធាននាយដ្ឋានប្រឆាំងបទល្មើសបច្ចេកវិទ្យា តាមការណែនាំពីនាយឧត្តមសេនីយ៍អគ្គស្នងការនគរបាលជាតិ និងក្រសួងមហាផ្ទៃ សូមក្រើនរំលឹកដល់ប្រជាពលរដ្ឋឲ្យមានការប្រុងប្រយ័ត្នខ្ពស់ ចំពោះក្រុមឆបោក បើមានករណីនេះកើតឡើងសូមមកដាក់ពាក្យបណ្តឹងនៅនាយកដ្ឋានប្រឆាំងបទល្មើសបច្ចេកវិទ្យា ក្រសួងមហាផ្ទៃ៕
ព័ត៌មានគួរចាប់អារម្មណ៍
ដឹងការពិតហើយ ក្រោយផ្អើលថា ទាហានថៃបានបាញ់ពលរដ្ឋខ្មែរនៅខាងលិចដើមស្រល់ ជាប់ព្រំដែនខ្មែរ-ថៃ ក្រុងប៉ោយប៉ែត ()
មហាជនកំពុងរងចាំមើលតើនឹងមានចំណាត់ការបែបណាចំពោះម្ចាស់អខោន មហាសាច់នេះ...... ()
អង្គភាពនគរបាលច្រកទ្វារព្រំដែនអន្តរជាតិប៉ោយប៉ែត ចាប់ផ្តើមចែកម៉ាសក្នុងរយៈពេល១ខែ ដោយគិតចាប់ពីថ្ងៃចន្ទ ទី២៧ ខែមករា ឆ្នាំ២០២០នេះតទៅ ()
ឃាត់ខ្លួនជនបង្ករចលាចលសង្គម និងបំពុលសង្គម ២នាក់ ពាក់ព័ន្ធការបង្ហោះព័ត៌មានមិនពិតថា “មានការឆ្លងជម្ងឺផ្លូវដង្ហេីមវីរុសកូរ៉ូណា នៅខេត្តសៀមរាប” ()
លោកវរសេនីយ៍ទោ ស៊ិន ប៊ុនរស្មី ស្នងការរងតំណាងឯកឧត្តម ឧត្តមសេនីយ៍ ទោ អ៊ុច សុខុន ស្នងការនៃស្នងការដ្ឋានន គរបាល ខេត្តបាត់ដំបង បានអញ្ជើញជាអធិបតីក្នុងពិធីប្រកាសប្រគល់ភារកិច្ចដឹកនាំការងារដល់ថ្នាក់អធិការ ()
វីដែអូ
ចំនួនអ្នកទស្សនា