សមត្ថកិច្ចកំពុងឡោមព័ទ្ធព្រៃនៅស្រុកកោះញែកដេញ ប្រមាញ់ជនសង្ស័យដែលបាញ់សម្លាប់មន្ត្រីនគរបាលរាជធានីភ្នំពេញ
ខេត្តមណ្ឌលគិរី ៖ តាមភ្នាក់ងារប្រចាំខេត្ត មណ្ឌលគិរី បានឲ្យដឹងថា ចាប់ពី វេលាម៉ោង៩ និង៥០នាទីយប់ ថ្ងៃទី៤ ខែមករារហូត មកដល់ពេលនេះ សមត្ថកិច្ចបាននិងកំពុងដុតដៃដុតជើង ដេញតាមប្រមាញ់ជនសង្ស័យ ដែលបាញ់សម្លាប់នាយរងការិយាល័យព្រហ្មទណ្ឌកម្រិតស្រាលរាជធានីភ្នំពេញ ខណៈដែលគេសង្ស័យថា ខ្មាន់កាំភ្លើងបានរត់គេចខ្លួនសម្ងំក្នុង ព្រៃនោះក្រោយពីបើករថយន្តបុកបារ៉ាស់របស់សមត្ថកិច្ច ហើយរត់ចូលព្រៃនោះ។
បើតាមសមត្ថកិច្ច បានបញ្ជាក់នៅវេលាម៉ោង០៩ និង៥០នាទីយប់ ថ្ងៃទី០៤ មករានេះថា ជនដៃដល់បានបើករថយន្តធ្វើដំណើរតាមដងផ្លូវខេត្តស្ទឹងត្រែង រតនគីរី ហើយចូលមកដល់ខេត្តមណ្ឌលគីរី តាំងពីវេលាម៉ោងប្រមាណជា៨យប់ ហើយជាប់បារ៉ាស់ ត្រឹមស្រុកកោះញែក ជនសង្ស័យបានបើករថយន្ត បំបុកបារ៉ាស់សមត្ថកិច្ច រត់គេចចូលព្រៃ។
លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្តមណ្ឌលគិរី បានបញ្ជាក់ផងដែរថា រហូតមកដល់ពេល កម្លាំងចម្រុះកំពុងធ្វើការឡោមព័ទ្ធព្រៃនៅស្រុកកោះញែក ស្រាវជ្រាវនិងឆែកឆេរគ្រប់តំបន់ដែលសង្ស័យ យ៉ាងណាជនល្មើសមិនទាន់ចាប់ខ្លួនបាននៅឡើយទេ ។
បើតាមសមត្ថកិច្ច បានបញ្ជាក់នៅវេលាម៉ោង០៩និង៥០នាទីយប់ ថ្ងៃទី០៤ មករានេះថា ជនដៃដល់បានបើករថយន្តធ្វើដំណើរតាមដងផ្លូវខេត្តស្ទឹងត្រែង រតនគីរី ហើយចូលមកដល់ខេត្តមណ្ឌលគីរី តាំងពីវេលាម៉ោងប្រមាណជា៨យប់ ហើយជាប់បារ៉ាស់ ត្រឹមស្រុកកោះញែក ជនសង្ស័យបានបើករថយន្ត បំបុកបារ៉ាស់សមត្ថកិច្ច រត់គេចចូលព្រៃ។
លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្តមណ្ឌលគិរី បានបញ្ជាក់ផងដែរថា រហូតមកដល់ពេល កម្លាំងចម្រុះកំពុងធ្វើការឡោមព័ទ្ធព្រៃនៅស្រុកកោះញែក ស្រាវជ្រាវនិងឆែកឆេរគ្រប់តំបន់ដែលសង្ស័យ យ៉ាងណាជនល្មើសមិនទាន់ចាប់ខ្លួនបាននៅឡើយទេ ។
ប្រភពក៏បានបន្តថា ចាប់តាំងពីវេលាម៉ោង ៨ យប់ថ្ងៃទី៤ មករានេះ កម្លាំងសមត្ថកិច្ចខេត្តមណ្ឌលគិរីសហការជាមួយកម្លាំងសមត្ថកិច្ច មកពីរាជធានីភ្នំពេញកំពុងតាមចាប់ ជនដៃដល់ដែលបានបាញ់សម្លាប់មន្ត្រីប៉ូលិសនៅឯរាជធានីភ្នំពេញ ក្នុងករណីគ្រោះថ្នាក់ចរាចរណ៍ កាលពីពេលកន្លងទៅថ្មីៗនេះ ហើយបានធ្វើការឃាត់ខ្លួនប្រពន្ធដែលជាឃាតករត់ជាមួយគ្នា។សូមរំលឹកផងដែរថា កាលពីយប់ថ្ងៃទី២៩ ខែធ្នូ ឆ្នាំ២០២០ វេលាម៉ោង២២និង៤៦នាទី ជនរងគ្រោះឈ្មោះ រ៉េត ស៊ីណែត ជានាយរងការិយាល័យព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ និងឈ្មោះ ង៉ាន់ ភីលីន ភេទប្រុស អាយុ២៩ឆ្នាំ បានចេញពីហូបស៊ុបនៅម្ដុំវត្តភ្នំ ដោយបើករថយន្ដម៉ាក FORD RAPTER ពណ៌ស បាក់ស្លាកលេខ ភ្នំពេញ2BD 3738 តាមបណ្ដោយមហាវិថីសហព័ន្ធរុស្ស៊ីពីកើតមកលិច។
ពេលមកដល់ចំណុចកើតហេតុ ក៏មានរថយន្ដម៉ាកLEXUS RX 300 ពណ៌ខ្មៅ ពាក់ស្លាកលេខ សៀមរាប2A 4546 បានមកបុកពីក្រោយបណ្ដាលឲ្យរងការខូចខាត។ ពេលនោះជនរងគ្រោះ បានបើករថយន្ដមកបាំងពីមុខរថយន្ដជនបង្ក និងដកកាំភ្លើងខ្លីម៉ាកGLORCK 19 ភ្ជង់បំណងមិនឲ្យបើកគេចខ្លួន។ បន្ទាប់មកជនបង្កទាំងពីរនាក់ក៏ចុះមកចរចាជាមួយជនរងគ្រោះ ដោយព្រមយករថយន្ដរបស់ជនរងគ្រោះទៅជួសជុលនៅម្ដុំក្រោយមន្ទីរពេទ្យលោកសង្ឃ ហើយក៏បើករថយន្ដអែបកៀនទាំងអស់គ្នា។ ពេលដែលជនរងគ្រោះនិងឈ្មោះ ង៉ាន់ ភីលីន កំពុងអង្គុយមើលរថយន្ដដែលខូចខាត ស្រាប់តែជនបង្កទាំងពីរនាក់ ដកអាវុធខ្លីមិនចាំម៉ាក ពណ៌ទឹកប្រាក់ បាញ់ជនរងគ្រោះពីក្រោយចំនួន៤គ្រាប់ បណ្ដាលឲ្យស្លាប់នៅកន្លែងកើតហេតុ ហើយជនដៃដល់ទាំងពីរនាក់ឡើងជិះរថយន្ដគេចខ្លួនបាត់៕