ថ្ងៃច័ន្ទ ទី២១ ខែមិថុនា ឆ្នាំ២០៥០
ទំនាក់ទំនងចាងហ្វាងគេហទំព័រ ធីប៊ីស៊ី
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចអនុញ្ញាតឱ្យពលករខ្មែរ ដែលឆ្លងដែនមកពីប្រទេសថៃ អាចផ្លាស់កន្លែងធ្វើចត្តាឡីស័កពីខេត្តជាប់ព្រំដែន
Mon,08 March 2021 (Time 07:45 AM)
ដោយ ៖ (ចំនួនអ្នកអាន: 58នាក់)

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចអនុញ្ញាតឱ្យពលករខ្មែរ ដែលឆ្លងដែនមកពីប្រទេសថៃ អាចផ្លាស់កន្លែងធ្វើចត្តាឡីស័កពីខេត្តជាប់ព្រំដែន មកធ្វើចត្តាឡីស័កនៅក្នុងខេត្ត ឬស្រុកកំណើតរបស់ខ្លួនបាន តែដាច់ខាតមិនអាចគេចវេស ឬខកខានការធ្វើចត្តាឡីស័កនោះឡើយ ចំណែករដ្ឋបាលខេត្ត ដែលមានអ្នកផ្លាស់មកធ្វើចត្តាឡីស័កនោះ ត្រូវត្រួតពិនិត្យការងារនេះឱ្យបានហ្មត់ចត់។

តាមរយៈសារសំឡេងរបស់សម្ដេចតេជោ ហ៊ុន សែន ដែលបានថ្លែងនៅថ្ងៃទី០៧ ខែមីនា ឆ្នាំ២០២១នេះ បានបញ្ជាក់ថា សម្ដេចបានយល់ព្រមទាំងទៅនឹង សំណើរបស់រដ្ឋបាលខេត្តកំពង់ស្ពឺ ដែលបានស្នើសុំផ្ទេរពលករ ដែលមានស្រុកកំណើតក្នុងខេត្តកំពង់ស្ពឺ ពីមណ្ឌលចត្តាឡីស័កនៅតាមខេត្តជាប់ព្រំដែនថៃ ផ្លាស់មកធ្វើចត្តាឡីស័កនៅមណ្ឌលចត្តាឡីស័កនៅក្នុងខេត្តរបស់ខ្លួន។

ទន្ទឹមនឹងសំណើនេះដែរ រដ្ឋបាលខេត្តកំពង់ស្ពឺ ក៏បានធានាអះអាងចំពោះសម្ដេចតេជោ អំពីការគ្រប់គ្រងសុវត្ថិភាពរបស់ពលករ ការផ្ដល់អាហារហូបចុក និងចំនួនពលករ ចាប់តាំងពីចំណុចចេញដំណើររហូតមកដល់មណ្ឌលចត្តាឡីស័កនៅក្នុងមូលដ្ឋានរបស់ខ្លួន។

សំណើនេះទទួលបានការគាំទ្រយ៉ាងពេញទំហឹងពី សម្ដេចតេជោនាយករដ្ឋមន្ត្រី ដោយសម្ដេចបានសង្កត់ធ្ងន់ថា «នេះគឺចំណុចល្អមួយ ដែលគប្បីអនុវត្តឱ្យបានត្រឹមត្រូវ ហើយប្រសិនបើរដ្ឋបាលខេត្តដទៃអាចធ្វើដូច្នេះបាន ខ្ញុំក៏នឹងអនុញ្ញាតឱ្យធ្វើ ប៉ុន្តែត្រូវធានាថាពលករដែលត្រូវផ្លាស់កន្លែងធ្វើចត្តាឡីស័កទាំងនោះ គ្មានការគេចវេសពីការធ្វើចត្តាឡីស័កជាដាច់ខាត។ ប្រសិនបើមិនអាចធានាបានទេ កុំធ្វើឱ្យសោះ»។

បើតាមសារសំឡេងរបស់សម្ដេចតេជោ រដ្ឋបាលខេត្តកំពង់ស្ពឺ បានបញ្ជាក់អំពីការប្រើប្រាស់កម្លាំងយោធានៃយោធភូមិភាគ៣ ទៅដឹកជញ្ជូនពលករពីមណ្ឌលចត្តាឡីស័ក នៅតាមខេត្តជាប់ព្រំដែនថៃ ផ្ទេរមកធ្វើចត្តាឡីស័កនៅក្នុងខេត្តរបស់ខ្លួនវិញ។

នាពេលកន្លងមក ធ្លាប់មានការភាន់ច្រឡំថា សម្ដេចតេជោសម្រេចលើកលែងការធ្វើចត្តាឡីស័ក ចំពោះពលករនៅតាមខេត្តជាប់ព្រំដែន ប៉ុន្តែសម្ដេចតេជោ បានបញ្ជាក់ហើយបញ្ជាក់ទៀតថា មិនដូចការយល់ខុសនេះនោះទេ ពោលគឺសម្ដេចតេជោមិនបានអនុញ្ញាតដូច្នេះឡើយ គឺមានតែអំពាវនាវទៅកាន់បុគ្គលសាមី ឱ្យចូលរួមធ្វើចត្តាឡីស័ក កុំមានការគេចវេស និងបានបញ្ជាទៅកាន់អាជ្ញាធរ-សមត្ថកិច្ចពាក់ព័ន្ធ ឱ្យពង្រឹងការត្រួតពិនិត្យការធ្វើចត្តាឡីស័ក ឱ្យបានតឹងរឹងថែមទៀត។ ដូច្នេះសូមកុំមានការយល់ច្រឡំតទៅទៀតឱ្យសោះ។

សម្ដេចបានថ្លែងយ៉ាងដូច្នេះថា «ខ្ញុំសូមបញ្ជាក់ឡើងវិញថា ចត្តាឡីស័កនៅតែធ្វើ គ្រាន់តែអាចប្ដូរទីតាំងធ្វើប៉ុណ្ណោះ ដោយពីមុនធ្វើនៅទល់ដែន ឥលូវអាចផ្លាស់មកធ្វើនៅផ្ទៃក្នុងប្រទេស (ខេត្ត-ស្រុកកំណើតរបស់សាមីខ្លួនអ្នកធ្វើចត្តាឡីស័ក) ដោយត្រូវដឹកជញ្ជូនពួកគាត់មកធ្វើចត្តាឡីស័ក នៅតាមមូលដ្ឋាននានា»។

ជាមួយគ្នានោះ សម្ដេចតេជោនាយករដ្ឋមន្ត្រី បានដាស់តឿនបន្ថែមថា ការដឹកជញ្ជួនផ្ទេរពលករ ដែលធ្វើចត្តាឡីនៅខេត្តជាប់ព្រំដែន គប្បីមានរថយន្តដាច់ដោយឡែកសម្រាប់ដឹកជញ្ជូនពួកគាត់ ហើយត្រូវគ្រប់គ្រងពួកគាត់តាំងពីចំណុចចេញដំណើរ រហូតមកដល់គោលដៅធ្វើចត្តាឡីស័កបន្ទាប់។ ម្យ៉ាងទៀត ត្រូវមានការផ្ដល់អាហារហូបចុកតាមផ្លូវ ក្នុងពេលធ្វើដំណើរផងដែរ៕

ព័ត៌មានគួរចាប់អារម្មណ៍

ដឹងការពិតហើយ ក្រោយផ្អើលថា ទាហានថៃបានបាញ់ពលរដ្ឋខ្មែរនៅខាងលិចដើមស្រល់ ជាប់ព្រំដែនខ្មែរ-ថៃ ក្រុងប៉ោយប៉ែត ()

ព័ត៌មានគួរចាប់អារម្មណ៍

មហាជនកំពុងរងចាំមើលតើនឹងមានចំណាត់ការបែបណាចំពោះម្ចាស់អខោន មហាសាច់នេះ...... ()

ព័ត៌មានគួរចាប់អារម្មណ៍

អង្គភាពនគរបាលច្រកទ្វារព្រំដែនអន្តរជាតិប៉ោយប៉ែត ចាប់ផ្តើមចែកម៉ាសក្នុងរយៈពេល១ខែ ដោយគិតចាប់ពីថ្ងៃចន្ទ ទី២៧ ខែមករា ឆ្នាំ២០២០នេះតទៅ ()

ព័ត៌មានគួរចាប់អារម្មណ៍

ឃាត់​ខ្លួន​ជន​បង្ករចលាចលសង្គម​ និងបំពុលសង្គម ២នាក់ ពាក់ព័ន្ធការបង្ហោះព័ត៌មានមិនពិត​​ថា “មានការឆ្លងជម្ងឺ​ផ្លូវដង្ហេីម​វីរុស​កូរ៉ូណា នៅខេត្តសៀមរាប”​ ()

ព័ត៌មានគួរចាប់អារម្មណ៍

លោកវរសេនីយ៍ទោ ស៊ិន ប៊ុនរស្មី ស្នងការរងតំណាងឯកឧត្តម ឧត្តមសេនីយ៍ ទោ អ៊ុច សុខុន ស្នងការនៃស្នងការដ្ឋានន គរបាល ខេត្តបាត់ដំបង បានអញ្ជើញជាអធិបតីក្នុងពិធីប្រកាសប្រគល់ភារកិច្ចដឹកនាំការងារដល់ថ្នាក់អធិការ ()

វីដែអូ

ចំនួនអ្នកទស្សនា

ថ្ងៃនេះ :
89 នាក់
ម្សិលមិញ :
73 នាក់
សប្តាហ៍នេះ :
334 នាក់
ខែនេះ :
1664 នាក់
3 ខែនេះ :
4371 នាក់
សរុប :
25814 នាក់