ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង ជម្រាបជូនសាធារណជន អ្នកសារព័ត៌មាន និងអ្នកនិយមប្រើប្រាស់បណ្តាញទំនាក់ទំនងសង្គមបានជ្រាបថា …….
ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង ជម្រាបជូនសាធារណជន អ្នកសារព័ត៌មាន និងអ្នកនិយមប្រើប្រាស់បណ្តាញទំនាក់ទំនងសង្គមបានជ្រាបថា កាលពីថ្ងៃទី៩ ខែ មីនា ឆ្នាំ២០២២ គេហទំព័រសារព័ត៌មាន SH News បានផ្សព្វផ្សាយ ព័ត៌មានពីករណីប្រមូលផ្តុំគ្នាលេងល្បែងភ្នាល់ទឹកភ្លៀងនៅក្នុងក្រុងបាត់ដំបង ។
បន្ទាប់ពីទទួលបានព័ត៌មានខាងលើ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដាក់បទបញ្ជាដល់លោកអធិការនគរបាលក្រុងបាត់ដំបង ឱ្យចុះធ្វើការស្រាវជ្រាវជុំវិញព័ត៌មាននេះហើយ ។
ជាមួយនេះសូមធ្វើការបញ្ជាក់ជូនថា នាពេលកន្លងទៅ សមត្ថកិច្ចនគរបាលបានធ្វើការបង្ក្រាបករណីល្បែងភ្នាល់ទឹកភ្លៀងនេះ ជាបន្តបន្ទាប់ និងបានឃាត់ខ្លួនអ្នកប្រព្រឹត្តិ រួមទាំងវត្ថុតាងផងបញ្ជូនទៅ សាលាដំបូងដើម្បីផ្តន្ទាទោសទៅតាមច្បាប់។
ដែលបញ្ហានេះផ្ទុយស្រឡះពីការលើកឡើងរបស់ប្រភពព័ត៌មានដែលថា សមត្ថកិច្ចនគរបាលមិនដែលមានវិធានការក្នុងការបង្ក្រាបករណីល្បែងភ្នាល់ទឹកភ្លៀងនេះនាពេលកន្លងមក។
ក្នុងករណីស្រាវជ្រាវរកឃើញថា មានសកម្មភាពប្រព្រឹត្តល្មើសកើត មាននៅមូលដ្ឋាននោះមែន សមត្ថកិច្ចនគរ បាលនឹងចាត់វិធានការទៅតាមផ្លូវច្បាប់ចំពោះអ្នកប្រព្រឹត្ត ៕ រូបភាព៖ អគ្គស្នងការដ្ឋាននគរបាលជាតិ
